هاك يا لساني:
آش داك تنطق حتى تفيق عدياني
هاك يالساني
غيرو كلامك وداروه كلام ثاني
هاك يا لساني
كولوك اللي ما يتكال
طلقو العنان للسناتهم وبغاو يلجموك لكمامة
هاك يا لساني
علاش دويت واش دواني؟؟
ومال كلامي خسر خاطرعدياني
هاك يالساني
نوصيك الى بغيت تدوي ثاني
هضر بلسان عدياني
هاك يالساني
بغاو يكونو علينا وصية…
وبحالهم دازو كثير ما نفعهم حيلة ولا مزية..
هاك يا لساني..
كول كلامك وجابه العديان
مضي سلاحك واجبد سيفك الرنان
هاك يالساني
انطق بالحق وكول لا تديرو علينا وصية راحنا
كلنا تريكت الرسول
كلنا تريكت الرسول
هاك يا لساني
ما يهمك ذاك وهذاك كلامهم فاني
تكلم يا لساني وانطق بالمعاني
الشاعر والزجال المغربي نور الدين الكيحل
