منار اليوم – جريدة شاملة مستقلة
قصيدة زجلية جديدة للزجال المغربي نورالدين الكيحل..ركبت وعجبك حالك……
ركبت وعجبك حالك
ركبت وعجبك حالك….تغيرت شلا احوال ولا انت على بالك
مازال عايش في حلمك وهبالك
مغرور حاسب اليوم ينفعك مالك
دازوا من قبلك قومان مثالك
ماذا من واحد غروا شيطانه واصبح هالك
سير تحت الظل توصل توصل
قالوا زمان:بالمهل يتكال بودنجل
مغرور حاسب اليوم ينفعك مالك
دازوا من قبلك قومان مثالك
ماذا من واحد غروا شيطانه واصبح هالك
سير تحت الظل توصل توصل
قالوا زمان:بالمهل يتكال بودنجل
النقرة الصافية معدنها قلال
كثروا الشمايت وغابوا الرجال
ضاعت الكلمة وما تساوت النغمة
غابت الحكمة من شلا افواه
الطير الحر….قصارو جناحو
ما فرفر….ماطلقو سراحو
تغيرت شلا احوال….بالغبينة تقهرت رجال
كثروا الشمايت وغابوا الرجال
ضاعت الكلمة وما تساوت النغمة
غابت الحكمة من شلا افواه
الطير الحر….قصارو جناحو
ما فرفر….ماطلقو سراحو
تغيرت شلا احوال….بالغبينة تقهرت رجال
هجرنا لامتنا…فرطنا في وصية ليها بال
ياويحك ياراسي…شغلتك الدنيا بعيوبها
غرقنا في المعاصي…والعفة نزعنا ثوبها
من قلة صبرنا..فتحنا لشيطاننا الباب
من قلة صبرنا..فتحنا لشيطاننا الباب
تشغلنا بهمنا…ومارضينا بالمكتاب
كثروا علينا المصايب
هاايبولا،ها داعش،ها فاحش
والمسكين باغي غير القليل باش يعيش
كثروا علينا المصايب
هاايبولا،ها داعش،ها فاحش
والمسكين باغي غير القليل باش يعيش
الضو والماء دارو فينا حالة
العيشة وسط الزحمة وقلة الايجارة
صبرنا قلال كلشي بالزربة باغي يوصل
العيشة وسط الزحمة وقلة الايجارة
صبرنا قلال كلشي بالزربة باغي يوصل
مايهمه حرام ولا حلال تالف يقلب على الحل
احفظنا يارحمان وساوي الميزان
داوي حالنا…واحفظنا من شر قومان……………………….نورالدين الكيحل…..
داوي حالنا…واحفظنا من شر قومان……………………….نورالدين الكيحل…..
