منار اليوم – جريدة شاملة مستقلة
هذا زمان العقروشة…. قصيدة زجلية مهداة الى من يهمهم الامر؟؟؟
لكل مرفق حراسو لكل زمان ناسو
هذا زمان العقروشة
زمان المكلخ والمطنش
في دماغ الخبث معشش
تمكريه والبيع شرا في حق الشعب
الحلقة كبيرة وكلشي ينهب
لا سلطة لا عسة تخلاطت الدرسة
شكون لي فرق الكلسة
هذا مكبوت داير فيها قيس
مدور بيه الحريم وكلشي مونس
لقصاير والنشاط او هزان البوط
الخمر والحشيش المسؤول مزعوط
الحبة والبارود من دار المخزن
هذا زمان العقروشة
زمان المكلخ والمطنش
في دماغ الخبث معشش
تمكريه والبيع شرا في حق الشعب
الحلقة كبيرة وكلشي ينهب
لا سلطة لا عسة تخلاطت الدرسة
شكون لي فرق الكلسة
هذا مكبوت داير فيها قيس
مدور بيه الحريم وكلشي مونس
لقصاير والنشاط او هزان البوط
الخمر والحشيش المسؤول مزعوط
الحبة والبارود من دار المخزن
كلشي فاهم كلشي مدهون
دهن السير اسير… الحركة دايرة
الادارة في كف عفريت والناس حايرة
الرشوة بالعلالي في كل اقسام
الراعي مسوق ما مسوقش شكون يفهم
******
هذا زمان العقروشة
في لعقل والتدبير برهوشة
بنت الخيمة والكلب ينبح من دوار هموشة
القضية معروفة مفروشة
شحال ديال الشيكي و الوش
لوجه مطلس مطيشة
زواق والدخان والكوشة
بكري سكنات مع الكلب والدحش
في البق والذبان تنش وتهش
قلنا لو تفش يا المش
ماتكساب ما تعلام معولة على القاع
سطل مقرقب مدردب الحق ضاع
فرق الكارطة طلعات السوطة
في السلطة ولحكام مربوطة
محزمة مرزمة تليس مثقوب
فيه المخيط حفا وعيا بالترقاع
شكون داها في القاع… والقاع
الارض بايرة ما تصلح لغريس النعناع
شي مسرج العود… شي مسرج الدحشة
شي منور مبشور شي لابس الخنشة
هذا زمان العقروشة
*****
هذا زمان باك صاحبي
شي طالع… شي هابط… شي عليه داسو
فالادارة لكبيرة تما لخواض لكبير
رباعة شلاهبية مصو دم لبلاد
ها الرقاص ها الكاهن ها العقروشة
ها العجوطة ها انيسة ها عديلة
رجال ما هم رجال
نسا ما هم نسا
الوقت ولات مفلسا
المخزن ولا دري عطا ظهرو للجيفة
المصلحة معطلة الوقت مخلطة
*****
هذا زمان باك صاحبي
شي طالع… شي هابط… شي عليه داسو
فالادارة لكبيرة تما لخواض لكبير
رباعة شلاهبية مصو دم لبلاد
ها الرقاص ها الكاهن ها العقروشة
ها العجوطة ها انيسة ها عديلة
رجال ما هم رجال
نسا ما هم نسا
الوقت ولات مفلسا
المخزن ولا دري عطا ظهرو للجيفة
المصلحة معطلة الوقت مخلطة
شي مبنج شي مدوخ شي دارب الزطلة
******
******
هذا زمان العقروشة
زمان الادارة المغشوشة
الله اخفف ما نزل ويخلي الحالة مبشوشة
