قصيدة شعرية “عشر رياح” لعزيز غالي ينشره موقع المنار توداي في حلقات…الجزء االثاني…الريح الرابع والخامس والسادس.

webmaster 19 أبريل، 2015 اضف تعليق

الرِّيح الرابع 

طَلْعُوا

مَنْ يومْ

 تْعَڤْرَتْ
فيهْ المَشْيَة

مَنْ يومْ

 تعَقْلَتْ
فيهْ الخَطْوَة

وُ تخالْفَتْ بْ الدّمْ..

طلْعوا بْ اذانْ

بْ قْراقَبْ

 تهَزّ لَحْشَى

طَلْعُوا مَنْ مَصْرانْ

فْ عيدْ مَنْ لَعْيادْ

تَطْعَن 

مَنْ قَلْبي

 يَدُقْ دَقَّانْ

مْساوي

 يَفْتَنْ

مَنْ كَبْدَة

 ما عافَتْ

 عْفَنْ

شَرْبَتْ جاوي

 وُ صَلبانْ

تخْلَفْ مَنْ كُلْ طَرَفْ ضاعْ مَنِّي

روحْ

 وُ ميزانْ.. 

طَلْعُوا

مَنْ يومْ

 تسَلْسلاتْ
فيهْ الرَّجْلينْ

وُ وَلَّى لَحْديدْ

 طَرفْ مَنْ
لَڤْدامْ…

هَذِه خَطْوَة بْ لَڤْدَمْ

دَمْ

 دَمْ

 دَمْ

هَذِه خَطْوَة بْ ألَفْ هَمْ

هَمْ هَمْ هَمْ

دَمْ هَمْ

 دَمْ هَمْ

 دَمْ هَمْ..

الرِّيحْ الخامس 

يا جَنِّي لَبْيَضْ

يا جَنِّي لَحْمَرْ

يا جَنِّي لَكْحَلْ

يا جَنِّي لَدْهَمْ

خَطْوي بْ رْجَلْ

خَطْواتْ فْ صْخَرْ

خَطْوي بْ رْجَلْ

 خَطْواتْ
فْ بْحَرْ

خَطْوي بْ رْجَلْ

خَطْواتْ فْ رْمَلْ 

خَطْوي بْ رْجَلْ

 خَطْواتْ
فْ جْبَلْ

خَطْوي بْ رْجَلْ

خَطْواتْ

 فْ حْصيرْ
ذْبَلْ

خَطْوي بْ رْجَلْ

 خَطْواتْ

كِ ضَرْبَة

فْ حْصيدْ المَنْجَلْ 

رْجَلْ

 تَطْحَنْ
فْ الجَّاجْ

 تَعْجَنْ 

تَطْحَنْ تَعْجَنْ

تَعْجَنْ تَطْحَنْ

وُ الخُرْص فْ لَوْذَنْ

غيرْ عْلامَة

 غُرْزُه
ما يألمَّ 

يَمَصّ لَعْذَابْ

وُ يجاريهْ فْ نَغْمَة 

دَنْ دَنْ دَنْ 

   دَنْ دَنْ
دَنْ

دندَنْ

 يا حاكَمْ
لَمْلوكْ

دَنْدَنْ

 يا حاكَمْ

 مْلوكْ

 الجَنْ

الرِّيح السادس 

يا مْلوكْ الرَّحْبَة

هَذِه عَتْبَة

 اخْرى 

يا مْلوكْ الرَّحْبَة

هَذِه ضَرْبَة

مَنْها

 ما نَبْرَا 

يا مْلوكْ الرَّحْبَة

هَذِه جَذْبَة

مولاتْها

 مْرَاة

عَيْشَة حَمْرا

خَضْرا صفرا

كَحْلَة زرقا

سيرَةْ لَعْذابْ

سيرَةْ الشَّحَطْ

 وُ الجْرَى

سيرَةْ السّخَطْ

 وُ لَعْرَى

سيرَة

 حَمْلاتْها
مْواجْ لَبْحَرْ

لفاتْها سْوالَفْ

 فْ ڤلوبْ
لَشْجَرْ

على ظْهَرْ سْفينَة

غَشَّاها السّرابْ

وُ سَكْناتْ عْوامْ وُ عْوامْ

فْ يَدّينْ الشيطانْ

إمْتَى

 تتحرر..؟