منار اليوم – جريدة شاملة مستقلة
.قصيدة زجلية جديدة للزجال المغربي نور الدين الكيحل بعنوان “وقع الفاس في الراس”
وقع الفاس في الراس
ياربي ثحد الباس
حيوط طالعة بلا ساس
رجال مردومة في الاحباس
تخبلت لخيوط
مانفع لابخور ولا حنوط
السربة تاهت بين الصحاري
جات الحملة ماخلات لا اول لا تالي
القلوب حزينة تترجى في العالي
يداوي حالها وينجيها من اللي جاري
الصوت مبحوح
القلب مجروح
نساء ورجال تبكي وتنوح
بكاوني رجال تسيل في الدموع
تغير الحال حلفت ولا بغات تعطي الطوع
قلبنا على الحق ماجبرناه
قالوا لينا
في الجامع معتكف يصلي
في الجامع معتكف يصلي
الباطل اللي حاربناه
اليوم وجد ناسوا صار يبني ويعلي
الحشمة طوات لكتاب والحق غاب
والرذيلة جاتنا في قافلة من الدياب
آه ياراسي كثرو لمعاصي
ألطف بنا داوي حالي وحال ناسي
