منار اليوم – جريدة شاملة مستقلة
قصيدة زجلية جديدة للزجال نور الدين الكيحل تحت عنوان ..مصيبتنا في الباشوات..
موقع المنار توداي….نورالدين الكيحل…
مصيبتنا في الباشوات
مرة،جابوا لينا باشا سبور
مرة،استاذ كراطي
مرة بوكسور
الاول ضرب موظف جماعي
والثاني شرمل واحد من الاطر
مشكلة هذا الاقليم
شحال من مسؤول ثاقب الباسبور
واحد محكوم بخمس سنين
مازال يلف ويدور
الطف بنا يالطيف
كبار القوم ريحتهم عطات
وفضايحهم عند الناس تعرفات
واحد محكوم بالتزوير
والثاني بالرشوة
واحد امي ما عرف اش يدير؟
حتى لقى راسه رئيس،مافهم ماروى
ينفد في التعليمات
مافاهم اش جاري،ما البلاد ظوات
مشكلة هذي
شحال من واحد توالى
دار في البلاد حالة
واليوم مطلوق حر يتسارى
قالوا لجنة الحسابات
اه غير على المسكين
اما على شي قومان،ماهضرت ما دوات
