فينك ايام العز ….

موقع المنار توداي … بوجمعة الحيان 
زمان العزمشى وتقاليد البلاد ولات منسية !!
واش باقين عاقلين على ايام التصاور المدرسية !!
ايام كنا نلعبو بلاستيك والشرطة والطرومبية!!
ايام الالبراءة ماكين لاهضرت فيك لاهضرتي فيا !!
ايام كنا نخرجوا بكسوة العيد فالصبحية !!
ايام كانو الدراري الصغار يفرحو بالاضحية !!
ايام الشتا تا تا تا تا اوليدات الحراتا هههه والامتال الشعبية !!
كان كلشي عايش على قد الحال وحاجتو مقضية !!
ايام تفيق مع الصباح وتفطر بالخبز وأتاي والزيت البلدية !!
ايام كانت اهم حاجة فرمضان هي الحريرة والشباكية!!
ايام المرأة داية اللثام والراجل لابس الجلابية!!
واش عاقل مني كنتي تجري فالزنقة تابع الهدية !!
تخرج من القراية تجري باش تفرج فالروسوم ديال العشية !!
ايام كنا نتجمعو حول المائدة ونديرو جلسة عائلة !!
أيام الطون والحرور وجباح والشامية !!
ايام  الرفيسة والسفة والكسكس فالقصرية!!
مشا زمان الحشمة والوقار ومشات النية!!
تبعنا تقاليد الغرب ونسينا التقاليد المغربية !!
ولا دابة شي حاضي شي ما ندق عليك ونتا مادق عليا !!
كلشي خرج الطريق ما بقينا عارفين الدري من الدرية!!
هذا تبع الراب وهاديك ولات ” ايمو” والآخر تبع الماسونية!!
تبلينا بالفايسبوك وتبعنا المواقع الالكترونية !!
ولينا عبارة عن مخلوقات فيسبوكية!!
هاداك في السكايب مع السويدية وهاديك فالواتساب مخشية!!
ولا دري يخرج مع الصباح مايولي حتى العشية !!
مني نتفكر دوك ليام يطيحو دمعات من عينية !!
العين بصيرة و اليد  قصيرة والكبدة مكوية !!
ولينا غاديين وكنبعدو على الدين غير شوية بشوية  !!
مشا الادب ومشى الاحترام ومشات حتى التربية!!
مني ولات البنت تابعة شكيرة والافلام التركية !!
ومن تدخل للكوزينة ما تعرفش حتى اسماء العطرية !!
مني ولا الولد يسهر حتى للفجر فالملاهي الليلية !!
وينعس حتى الظهر واخا تجيب ليه الدقة المراكشية!!
تبدل الزمان وتبدلت معاه حتى العقلية !!
وفزمان الحضارة مشينا ضحية !!
وجيل الايفون راكم مالعبتو حتى ربع العابنا الشعبية !!
تمنيت نفهم علاش تبدالت داك ليام