قصيدة زجلية للزجال المغربي المعاصر نور الدين الكيحل تحت عنوان …اللقمة حرارت في الجوف…

اللقمة حرارت في الجوف……..الكلمة محاصرها الخوف



     

الحق مسجون بين السيوف…….فاعل الخير مابقى معروف

الخيول واقفة تصهل…غنمنا ما جبرت فحل

قمحنا لاطو الكوز سوس وانخر…..حمام السلام طار وارحل

الدمعة محبوسة بين الاجفان….الكرامة  ما بقى ليها ثمن


راحت العزة ونخوة زمان….الحقير في القوم داروا ليه الشان

كلها عمر قفته….وسد عليه دفتوا

المسكين من عفته….ما يرضى يمد يديه ،بات جيعان

الشفيفير ضرب ضربته….بالنفاق والبهتان

ماتطيح كلمته…..يصدقوه واخا كلامه بطلان

فقيه الدوار….ماقر محضرة ما حفظ قران

اللقمة حرارت والعيش صعاب…..ليام دارت وغلقت الباب

الرحمة بين الاحباب غابت…..مابقات محبة بين شيب وشباب