المجموعة السابعة والاخيرة من قصائد عبد الرحيم الثقفي الزجلية..قصيدة اليوم ..لعيد عيدك المرا..

webmaster 9 يونيو، 2015 اضف تعليق

لعيد عيدك المرا

إسم الله عليك

العين لي تحسدك تعمى.

 8 من شهر الربيع

عيد ليك المرا.

رفعي راسك…

امرفوعة الراس

لا عيب فيك.

* * * * * * *            

حاشا ماأنت ضلعة عوجة

أنت من عيار الذهب
متعة

وللناس لباس.

يفرح لي شافك

وسعدات لي شرا..

والعين لي تحسدك تعمى

* * * * * * *           

 8 من شهر الربيع

عيدك يالمرا..

اليوم أنت نجمة في
السما

انت نجمة الليل تتفسر

ولي حسدك يخسر.

           * * * * * * *   

إسم الله عليك

وترد عليك العين

حاشا واش إيكون ليك

غير خرجتين

كان زمان هذا !!

واليوم بالشهادة عين
بين

سكَتي الطيارة…

سيرتي الإدارة…

بلاهاك وأرى

بلاحزارة

جبتي المساواة

عن حق وجدارة

هزيتي النصر شارة

وكَلتي:

النساء والرجال

في الحقوق بحال بحال.

            * * * * * * *   

إسم الله عليك

الأصل حتى هو فيك

ولحيا والحشمة

والزين بالبسمة…

إيتمناك مول المال!!!

 ماشايف غير

خط حواجبك محنية

ولعيون العسلية.

 إيتمناك القاري

ماقادر يدوي

صابر… وماصابر شي

وحتى الطير..

من حر الشوفة

بيك يتغنى.

 وشحال من واحد يتمنى.

 ولي حداك وخداك

صبح بيتو جنة.

 عبدالرحيم الثقفي