قصيد زجلية للزجال نورالدين الكيحل .تحت عنوان”خلي عندك ضمير”.

المنار توداي …
نور الدين الكيحل


لا ياصاحبي لا 
خلي عندك ضمير 
واجنح للتغيير 
لا ياصاحبي لا 
راه العمر قصير 
خلي في حياتك آثار جميلة
لا يا صاحبي لا 
راه الحياة قصيرة 
ايامنا فيها قليلة
ياصاحبي..راحة البال ماتشرى بمال 
والشرف عند الرجال قلال 
لا يا صاحبي لا
اختار طريق الخير 
ما يغرك الغير 
واطلب من الله التسير 
واللي بغاها ربي غاتصير 
لا يا صاحبي لا 
لا تيأس خلي عندك آمال 
مازال يتغير الحال 
مازال الخير ينتصر 
والشر يندثر
عفاك ياصاحبي عفاك 
لا تخلي شيطانك يديك للهلاك 
خللي آمالك في ربي كبير 
وكون معاه ما ينساك